Brauðbollur

Hrærið mjólk og vatn saman í skál. Setjið þurrger saman við. Hrærið þar til freyðir. Látið þá sykur, salt, 1 egg og brætt smjör (passa að það sé ekki of heitt) út í. Hrærið.

Setjið hveitið saman við smátt og smátt. Hrærið og hnoðið þar til þið hafið óklístrað deig (gætuð þurft minna eða meira hveiti). Hnoðið í stutta stund. Leggið deigið aftur í skálina, breiðið hreint þvottastykki yfir og látið hefast á hlýjum stað í 40 mínútur.

Skiptið deiginu í 22 bita og mótið bollur. Látið hefast í 20 mínútur. Penslið með þeyttu eggi og bakið í 15-20 mínútur við 200°C.